An "Allah Peliharakan Sultan" (Jawi: الله ڤليهاراكن سلطان; "God Bless the Sultan") iyo an national anthem kan Brunei Darussalam. Pigkakanta an anthem sa tataramon na Malay, an nasyunal na tataramon kan nasyon. Sinurat iyan ni Pengiran Haji Mohamed Yusuf bin Pengiran Abdul Rahim (sa huri tinàwan nin titulong Yang Amat Mulia Pengiran Setia Negara Pengiran Haji Mohamed Yusuf bin Pengiran Abdul Rahim), urog na midbid sa saiyang pen name na Yura Halim, asin kinomposo ni Haji Awang Besar bin Sagap kaidtong 1947. Inadaptar an kanta kaidtong 1951 bilang national anthem kan British protectorate na Brunei. Inadaptar iyan bilang national anthem kan Brunei Darussalam poon kan independensya gikan sa United Kingdom, asin kinanta bilang national anthem kan independienteng estado pag-agi kan kamatangaan kan Enero 1, 1984.